பேச்சு ஆளுமை ...

ஹிட்லரின் வளர்ச்சிக்கு முக்கிய காரணமாக பலர் கூறுவது அவருடைய பேச்சு ஆளுமை தான். அப்படி ஒரு வசிகரமானது. சரியான விதத்தில் ஏற்ற இறக்கம் கொண்டு ; உணர்ச்சிகளை சரியான வார்த்தைகளுக்கு அழுத்தம் தந்து பேசுவதில் அவர் கில்லாடி தான்.

இன்று பல மேலாண்மை வகுப்புகளில் தலைவனின் பேச்சு எவ்வாறு இருக்க வேண்டும் என்று ஹிட்லரின் பேச்சை தான் மேற்கோளாக காட்டுவார்கள். நாட்டு மக்கள் அணைவரையும் தான் செய்வது சரியே என்று நம்ப வைத்தது அவரின் பேச்சு என்று கூறினால் அது மிகையாகது. ஒரு தலை சிறந்த cult culture தலைவனின் பேச்சு என்றே கூறலாம்.


பிறகு அவரது உடல் மொழி. மிக உன்னிப்பாக பார்த்தோமானால் அவரது உடலே பாதி அவர் சொல்ல வந்ததை சொல்லி விடும். இவை இரண்டும் சேர்ந்தால் பார்பவர்களுக்கு செமையான போதை தான்.

இந்த பேச்சு தான் 1940 வரைக்கும் அவர் செய்த சாதனைகளின் அடித்தளம் என்று கூட கூறலாம். அதன் பிறகு தலைகனம் வந்த பிறகு அவரின் பேச்சின் ஆணவம் சிறுது கலந்து இருந்தது ; இந்த ஆணவம் தான் விழ்ச்சிக்கு காரணம்.


ஆனால் சிலர் ஒபாமாவின் பேச்சை ஹிட்லரின் பேச்சுடன் ஒப்பிட்டு பேசுகிறார்கள். அது சரியானது இல்லை என்பது என் கருது. ஒபாமா நியாயங்களை தான் முன்னிறுத்தி பேசினார். அது மக்களை இவர் கூறுவது சரியாக கூட இருக்கலாம் என்ற தோற்றத்தை தான் உருவாக்கினது ; ஒரு காந்த அலையை உருவாக்க வில்லை.

ஆனால் ஹிட்லரின் பேச்சு ; அவரது இயல்ப்பு. ஒபாமா மாதிரி ரொம்ப கஷ்ட படவில்லை ஹிட்லர் அவரது பேச்சை செதுக்க.