Alumbunaties : The Hostel Days :: Nakkalities

Alumbunaties : The Hostel Days

நக்கலைட்ஸின் நகைச்சுவை தொடர் யூடியூபில் வெளிவந்து வெற்றிகரமாக பலரது பாராட்டுகளைப் பெற்று கொண்டு இருக்கிறது. மேலும் இளைஞர்கள் மத்தியில் பெரும் கொண்டாட்டமாக இருக்கிறது இத்தொடர். பலர் தங்களது கல்லூரி கால விடுதி நாட்களை நினைவு படுத்துகிறது எனவும் மீண்டும் கடந்து வந்துவிட வாழ்க்கையை வாழ வைக்கிறது இந்த தொடர் என சொல்கிறார்கள்.

தொடர் வந்த சமயத்தில் பார்க்கவில்லை, சில நாட்களுக்கு முன்பு ஒரு நண்பர் சொல்லிய பின்னரே பார்த்தேன். ஒவ்வொரு அத்தியாயத்திலும் விழுந்து விழுந்து சிரித்தேன் என சொன்னால் இருக்கும். அதுவும் "சிடுமூஞ்சி சீனியர்" அத்தியாய முடிவில் சுமார் ஐந்து நிமிடங்களுக்கு சிரித்து கொண்டு இருந்தேன். ஏனென்றால் அந்த அத்தியாயத்தை பார்த்து தெரிந்துகொள்ளுங்கள்.

மொத்தம் ஒன்பது அத்தியாயம் : ஒவ்வொன்றும் அத்தனை தரம்.... வாய்ப்புகளே இல்லை. டிவிட்டரில் ஒருவர் சொன்னது போல தமிழ் இணைய தொடர் இயக்குநர்களுக்கு SITCOM தொடர் என்றால் எப்படி எடுக்கப்பட வேண்டும் என உட்கார வைத்து பாடம் எடுத்து இருக்கிறார்கள்.

அதிலும் ஒவ்வொரு கதாப்பாத்திரத்திற்கான நடிகர்களின் தேர்வு அவ்வளவு கனகச்சிதமாக இருக்கிறது.

சித்து, ஜோ,சுடலை வேம்பு, பாஷீர் மற்றும் இவர்கள் கண்டு மிரளும் வார்டன் ஆள்துரை ; எல்லோரும் மனத்தில் தங்கிவிட்டார்கள். அதுவும் பாஷீரின் மலையாளம் கலந்த தமிழில் எந்தாடா சித்து என சொல்வது அத்தனை அழகாக இருக்கிறது. 

பொதுவாக இம்மாதிரியான கல்லூரி விடுதி சம்பந்தப்பட்ட தொடர் என்றால் தரமற்ற நகைச்சுவை இருக்க வேண்டும், அதனை விட்டால் தரமாக எதுவும் சொல்ல முடியாது என்பது போல் எடுத்து இருப்பார்கள்.கிடைக்கிறது.. ஆலும்புனாடீஸ் தொடரை குடும்பத்தோடு பார்க்கலாம். ஒரு துளி ஆபாசம் இல்லை.

ஒவ்வொரு தொடரும் சுமார் 20 நிமிடங்களில் இருந்து 25 நிமிடங்கள் வரை இருக்கிறது. வாரயிறுதியை கொண்டாட நல்லதொரு தொடர். 

யூட்யூப்பில் நக்கலைட்ஸ் சேனலில் பார்க்க கிடைக்கிறது.

விடுதி வாழ்க்கை என்பது ஒரு தனி உலகம். அதனை அனுபவித்தவர்களுக்கு இந்த தொடர் பெரும் கொண்டாட்டமாக இருக்கும் என்பதில் சந்தேகம் இல்லை. விடுதி வாழ்க்கையை அனுபவிக்காதவர்களுக்கும் இத்தொடர் கொண்டாட்டமாக இருக்கும் என்பதில் தான் இதன் சிறப்பு.

எல்லா அத்தியாயங்களை பார்த்த பிறகு நீங்கள் கண்டிப்பாக பாஷீர் மற்றும் சுடலை வேம்பு ஆகியோரின் ரசிகர்களாக மாறி இருப்பீர்கள்.

முக்கிய குறிப்பு - இத்தொடரின் முகப்பு பாடலான Hostel Anthem பாடலை தனி பதிவாக கேட்க கிடைக்கிறது. தொடரை பார்த்த பின் இந்த பாடல் உங்களுக்கு பிடித்து போகும்.

மிட்டாய் வீடு - பார்க்க வேண்டிய குறும்படம்

கல்யாணங்கள் சொர்க்கத்தில் நிச்சயிக்க படுகிறது. ஆனால் அது காதல் திருமணமாக இருந்தால் சொர்க்கமாய் இருக்கிற வீட்டில் நிச்சயிக்க படுகிறது. முதல் முதலில் காதலியை வீட்டில் அறிமுக படுத்தும் பொழுது, அம்மா - காதலி இருவருக்கும் என்ன மாதிரியான மனநிலைமை இருக்குமென்று நல்ல எடுத்து காட்டிருக்கிறார் இயக்குனர் ("காதலில் சொதப்புவது எப்படி" எடுதரே அவரே தான் ..... )

திரு. பாலாஜி மற்றும் அவருடைய டீம் - வாய்ப்புகளே இல்லை ; பாராட்ட வார்த்தைகளில்லை.

பாலாஜியோட குறும்படங்கள் மேல எனக்கொரு சொல்ல முடியாத பிரியம் வந்துவிட்டது என்று நினைக்கிறேன் - பொதுவாய் ரொம்ப பார்த்து பார்த்து தான் யூடுபில் சில பல சேனல்களை follow செய்வேன் - ஆனால் கொஞ்சம் கூட யோசிக்காமல் இந்த குறும்படத்தை பார்த்த உடனே subscribe பண்ணிட்டேன்.

இயக்குனர் கொஞ்சம் குறும்புகாரர் போலிருக்கு - அது அங்கொன்றும் இங்கொன்றுமாய் காட்சிகளில் தெரிகிறது, குறிப்பாய் "இதோட போதுமே" என்று பையன் அப்பாவை பார்த்து சொல்லும் பொழுது. அதென்ன காட்சி ??? குறும்படத்தை பார்த்து தெரிந்துக் கொள்ளுங்கள்.

குறும்படம் ஆரம்பித்ததில் இருந்து எட்டாவது நிமிஷம் வரைக்கும் இதொரு நகைச்சுவை பட பதிவென்றே நினைத்து கொண்டு பார்த்துக் கொண்டிருந்தேன்..... ஆனால் அதன் பிறகு தான் நிகழ்ச்சியான வசன அமைப்புகளிலும் காட்சி அமைப்புகளிலும் இயக்குனர் நம்மை பெரிதும் கவர்கிறார்.

அதிலும் அந்த காதலியின் பார்வையிலிருந்து கதை சொல்லப்படும் நிமிஷம் - நன்றாக சிரித்துவிட்டேன்.

என்னை சிரிக்க வைத்த மற்றொரு காட்சி - ஆரம்ப காட்சி தான் ( இயக்குனருடைய குறும்பின் உச்சமென்றே சொல்லலாம்).

இந்த குறும்படம் உணர்த்தும் மற்றொரு விஷயம் - நிதர்சன வாழ்வில் நாம் நம்முடைய மூளை வேலை செய்யும் முன்னரே, நம்முடைய உணர்வுகளை வெளிகாட்டி விடுகிறோம், அது மற்றவர்களை காயபடுதும் என்று அறியாமல். சுயநல கோவங்களுக்கு என்றுமே மதிப்பில்லை .

இந்த குறும்படத்தை பற்றி இன்னும் சொல்ல நிறைய தோன்றுகிறது, ஆனால் நேரமில்லாததால் இதோடு முடித்து கொள்கிறேன். என்னால் ஒன்றை மட்டும் நிச்சயமாக சொல்ல முடியும் - இது உங்களுக்கொரு நல்ல ரசிப்பனுபவத்தை தருமென்பதை.

ரித்தி/மதுவன்தி - பாசமலர்

சொல்ல வார்த்தைகளில்லை ...

கவிதையாய் இருக்கிறது எனது ரசனை ...

= = = = =

அப்பா பொண்ணு ...இந்த பாசம் எப்பொழுதுமே ஸ்பெஷல் தான் ...அதுக்குன்னு மத்த பாச அலைவரிசையையெல்லாம் குறைச்சு சொல்லல ... இதையெல்லாம் அனுபவித்து பார்த்தவர்களுக்கே தெரியும்





போட்டோவில் இருப்பது அண்ணனும் அவரது பெண் ரித்தி குட்டியும்.

கலவை

எல்லோரும் போல் நானும் அவதார் படத்தைக் கொஞ்ச நாள் முன்னாடி பார்த்தேன் .... பல சயின்ஸ் தியரிக்களை கையாண்டு நல்ல எடுத்து இருக்காங்க.... அதில் முக்கியமாக படோர கிரகத்தில் இருப்பவர்கள் எல்லா உயிர் இனத்தோடும் தொடர்பு வைத்துக் கொண்டு எண்ணங்களை பரிமாறி கொள்வதாய் வருகிறது, இதை ENTANGLEMENT THEORY என்று சொல்வார்களாம்.




இதை பற்றி என் அம்மாகிட்ட சொன்ன பொழுது , அவங்க சித்தர்கள் கூட இதைப் பற்றி பாடி இருப்பதாய் சொன்னங்க ....

= = = = = =

ஆயிரத்தில் ஒருவன் படத்தில் .....கடைசில சோழர்களின் கோட்டையில் இருந்து ரீமா சென் தப்பித்து வரும் முன் அவங்க பயன்படுத்தும் தண்ணீரில் தன் விரலை வெட்டி அதிலிருந்து வரும் ரத்தத்தை கலந்து விடுவாங்க ..அதனால் அந்த தண்ணீர் விஷமாக மாறி விடுமாம்.....

இது அப்படியே சிவகாமியின் சபதத்தில் இருந்து செல்வா காப்பி அடிச்சு இருக்காரு. அதில் நாகநந்தி செய்வாரு, இதில ரீமா சென் செய்றாங்க.

= = = = = =

சமீபத்தில் ஹூணர்கள் பற்றி படிக்கும் பொழுது அவர்கள் நாடோடிகள் என்று தெரிய வந்தது. அவர்களை பற்றி மேலும் அறிய எதாச்சு INTERESTING யான புக்ஸ் இருக்கா ??? அப்படி இருந்த எனக்கு சொல்லுங்க.

= = = = = =

STAY HUNGRY , STAY FOOLISH ன்னு ஒரு புத்தகம். அருமையா இருக்கு. தமிழில் கூட மொழிபெயர்த்து வெளியிட்டு. அவசியம் எல்லோரும் படிக்க வேண்டிய நூல். IIM ல படித்த 25 வெற்றி பெற்ற வியாபார காந்தங்களின் (BUSINESS MAGNET ) கதை.

= = = = = =

கிரோம்பேட்டை. பணக்கார உணவு விடுதிகளின் அடுத்த டார்கெட் போல் இருக்கு. ஏற்கனவே ஹாட் சிப்ஸ் இருக்கு. இப்ப அடையாறு அனந்த பவன் வர போகுது. இவை இரண்டும் அமைந்து இருக்கும் இடங்களை பார்த்தாலே ; அவை அந்த பகுதியில் இருக்கும் RESIDENTIAL MARKET யை நம்பி வரவில்லை என்று தெரிகிறது.

= = = = = =

இப்ப வெண்ணிற இரவுகள் படித்துக் கொண்டு இருக்கிறேன். கொஞ்ச நாள் முன்னாடி MOUNT ROAD ல இருக்கிற ஒரு பழைய புத்தக கடையிலிருந்து வாங்கினேன். ரொம்ப கம்மியான விலை தான்.

இன்னும் பல உலக இலக்கியங்கள் அந்த கடைக்காரனிடம் இருந்தது. பார்க்க தான் எனக்கு டைம் இல்லை.

= = = = = =

உலக அளவில் மிகவும் பிரபலமான கொலை வழக்கு ......JACK THE RIPPER (LONDON 1888 ). இதில் என்ன விசேஷம் என்றால் கொலைகாரன் யாரென்று இது வரைக்கும் கண்டுபிடிக்க முடியவில்லை. ஆனால் யாராக இருக்க கூடும் என்ற விவாதங்களுக்கு மட்டும் குறைவில்லை. இன்னொரு விஷயம் .....உலகின் முதல் பிரபல சைக்கோ கொலைகாரன் இவன் தான்.

= = = = = =

"ஒரு யோகியின் சுயசரிதை " ......... தற்பொழுது படிக்கப் ஆரம்பிக்க போகும் புத்தகம்.

= = = = = =

BRAND AMERICA : THE MOTHER OF ALL BRANDS .......BRANDING ல ஆர்வம் உள்ள அனைவரும் படிக்க வேண்டிய புத்தகம். எப்புடி அமெரிக்காவில் இருக்கும் கம்பனிகள் தங்களுடைய பிராண்டுகளை வெற்றி பெற செய்தது என்றும், அது எப்புடி ஒரு கலாச்சார மாற்றத்தை ஏற்படுத்தியது என்றும் சொல்லுகிறது.

CASE STUDY என்றாலே கொஞ்சம் மொக்கைய தான் இருக்கும். அதனால் மொத்தமாய் படிக்க வேண்டாம். கொஞ்சம் கொஞ்சமாய் படிக்கவும்.

= = = = = =

கல்லூரி நாட்கள்

என்னன்னு தெரியல ... காலையிலிருந்து ஒரே நான் படித்த கல்லுரி ஞாபகமாவே இருக்கு. கல்லுரி என்றால் அது நான் படித்த UG காலேஜ் தான். மற்றவையில் எல்லாம் போட்டி பொறமை என்று அனுபவிக்காமல் படிப்பு படிப்பு என்றே இருந்தேன். UG ல தான் எதை பற்றியும் கவலை இல்லாமல் ஊர் சுற்றி கொண்டு ..... சினிமா, கிசு கிசு பேசி கொண்டு ....... கிளாஸ் கட் அடித்து கொண்டு .....

வாழ்க்கை என்றால் அது. அப்பொழுது கண்ட சந்தோசம் வேறு எதிலும் வராது........

எதுக்கு இவ்வளவு சொல்லுறேன் ன்ன ....... இந்த மாசத்தில் கடைசியில் காலேஜ் ல ஓர் GET TOGETHER க்கு போகிறேன். தொலைந்த, காணமால் போன நட்புகளை பார்க்க முடியும் என்ற நம்பிக்கை உடன் போக போகிறேன். அப்பொழுது எல்லாம் ORKUT FACEBOOK எல்லாம் இவ்வளவு பிரபலம் இல்லை. அதான் ஒரே ஆவலாய் இருக்கு.

அப்ப ன்னு பார்த்து YOUTUBE ல இந்த பாட்டை பார்த்தேன். வாய்ப்புகளே இல்லை......

Ilaiyaraaja's Superb BGMs

பிகு : இந்த மூன்றையும் ஓன்று சேர கேட்டு பாருங்க. அப்படியே சந்தோசத்தின் உச்சியில் இருப்பிங்க

கார்கியும் பரிசல்க்காரனும்

கார்கி : "ஏன் நம்ம பதிவுலகம் மொக்கை பதிவுகளை தண்டி அடுத்த கட்டத்திற்கு போக வேண்டும் ?"

பரிசல்க்காரன் : "இதை எல்லாம் நீயோ நானோ முடிவு செய்யறது இல்லை"



டிஸ்கி : காலையில் இந்த பாட்டு பார்க்கும் பொழுது தோன்றின டயலாக். ஹி ஹி ஹி ஹி. பதிவுலகத்தை அடுத்த காட்டதிற்கு கொண்டு போக விரும்புவர்கள் கட்டாயம் படிக்க வேண்டிய பதிவு இது. ஹி ஹி ஹி ஹி