காற்றில் எனது பதிவுகள்

விசாரணைகள் முடிந்த நிலையில்
வலிகள் தரும் வசவுகளை கண்ட மனமாய்

வலிகள் தராத அடிகளை தங்கிய உடல்

கொண்டு என் உணர்வுகளின் தனிமையை கண்டு அஞ்சும்

வேளையில் மனதில் கவிதை எழுதும் ஆசைகள் அலை மோதிய

பொழுதில் காகிதங்கள் ஏதும் இல்லாத நிலையில்

எண்ணங்களை எழுதுகோள் ; காற்று காகிதமானது

நான் இந்த கவிதையை எழுதும் வேளையில்.....

நினைவுகளின் பதிவு ஏதும் இல்லாத

சுத்தமான காற்றை தேடினேன் ;

சுத்தமான காற்று கிடைக்காத பொழுது

நான் சுவாசிக்க சேமித்து வைத்திருந்த காற்றில்

என் எண்ணங்களின் பதிவான கவிதையை எழுதும்

வேளையில் வலிகள் இல்லாத உடல் வலிகள்

காரணமாய் மயங்கினேன் .....

மறுநாள் வலிகளை வழி கொண்டு வரவேற்க

மயக்கம் தெளிந்த பொழுது

நான் பதிவு செய்த காற்றை காணவில்லை

யாரவது சுவாசித்து இருப்பார்களோ என்ற பயத்தில்

நான் இருக்க....

காலடி சத்தங்களை கேட்டது என் காதுகளில்