கடவுள் ...... கேள்விகளுக்கான எனது பதில்

ஆன்மீகம் எப்பொழுது தோற்கிறது ???

அதனை நம்புகிறவர்களின் நம்பிக்கையை அது காப்பாற்றாத பொழுது.


நாத்திகம் ஏன் தோற்கிறது ???

மக்களிடம் அது எந்த வித நம்பிக்கையும் ஏற்படுத்தவில்லை. அதனால் தான் அது தோற்கிறது.


ஆன்மீக நூல்கள் அவசியமா???

அதை படிபவர்களுக்கு நிம்மதியையும் ; எழுதுபவர்களுக்கு லாபத்தையும் தருவதால்... அது பாட்டுக்கு இருந்துவிட்டு போகட்டுமே.

கடவுள் நம்பிக்கை அவசியமா ???

நம்பிக்கை இல்லாத வாழ்க்கையில் ஏதோ ஒரு நம்பிக்கை இருக்க வேண்டும் என்று கடவுளை நம்புகிறவர்களுக்கு அவசியம் தான். ஆனால் எனக்கு அது அவசியம் இல்லை. ஏனென்றால் எனக்கு உலகில் உள்ள எல்லா மனிதர்கள் மீதும் நம்பிக்கை இருக்கிறது.


ஆன்மீகத்தின் ஆயுள் ????

மரணத்திற்கு பின் என்ன நடக்கிறது என்று மக்கள் தெரிந்து கொள்ளும் வரை.

உங்களை பொறுத்த வரையில் கடவுள் யார் ???

கடவுள் யார் என்று எனக்கு தெரியாது. சிறுவயதில் நானும் கோவிலுக்கு போய் இருக்கிறேன்; காரணம் கடவுள் எனது வேண்டுதல்களை கேட்பார் என்று. ஆனால் கேட்டாரா இல்லையோ என்றெல்லாம் எனக்கு தெரியாது. எனக்கு அப்பொழுது எல்லாம் யார் கடவுள் (ஏசுவா, அல்லாஹ்வா, இல்லை சிவனா) என்ற குழப்பம் தான் அதிகம் இருந்தது. பிறகு கொஞ்சம் வளர்ந்த பின் எந்த கடவுளை வழிபட்டால் அதிகம் பலன் உண்டு என்று யோசிக்க ஆரமித்தேன். அதற்கு பல்வேறு ஆட்களும் ஊடங்கள் காரணம். பிறகு வளர வளர கடவுளுக்கான தேவை என்னிடத்தில் குறைந்து கொண்டே வந்தது. இப்பொழுது கடவுள் நம்பிக்கை சுத்தமாக இல்லை.


என்னை பொறுத்த வரைக்கும் கடவுள் என்பவர் நன்றாக DEMAND CREATE செய்யப்பட ஓர் விற்பனை பொருள்.

எப்படி கடவுளை நீங்கள் விற்பனை பொருள் என்று சொல்லுரிங்க ????

காசு வராவிட்டால் யாரும் மத ஆலயங்கள் நடத்த மாட்டர்கள். கடவுள் இல்லாமல் யாரும் மத ஆலயங்களை நடத்துவது இல்லை.


மக்கள் காசுக்காக மத ஆலயங்களுக்கு போவது இல்லையே ???

ஆமாம். கட்டாயம். ஆனால் மத ஆலயங்களை இன்றைய உலகில் யாரும் ஓசிக்கு நடத்துவது இல்லை.


நீங்கள் சொல்வது இன்றைய உலகில் தானே. அந்த காலத்தில் எல்லோரும் கடவுள் நம்பிக்கை உடன் தான் மத ஆலயங்களை கட்டினார்கள் ???

உண்மை தான். காசுக்காக அவர்கள் கோவிலை கட்டவில்லை. ஆனால் எல்லோரும் மரணத்திற்கு பிறகு சொர்கத்திற்கு போக வேண்டும் என்ற எண்ணத்தில் தான் கோவிலை கட்டினார்கள். மத ஆலயங்கள் ஏற்பட மரண பயமும் ஓர் காரணம். இதற்க்கு சாட்சியாக கடவுளை துதித்து பாடினவர்கள் எல்லோரும் சொர்க்கத்தில் ஓர் இடம் வேண்டும்; இனி பிறவி இல்லாத வரம் வேண்டும் என்றெல்லாம் தான் படி உள்ளார்கள். ஏதோ ஒரு விதத்தில் பலனை எதிர்பார்த்தார்கள் கடவுளிடம் இருந்து.

(கேள்வி- பதில்கள் தொடரும்)